Zinemairean aire libreko euskarazko zinema zikloaren hirugarren edizioa hasiko da bihar. Dulantziko emanaldiak hasiera emango dio zikloari, bihar, 22:00etan, Tximinoen erreinua filmarekin.
Larunbatean, aldiz, Oker pelikula ikusgai izango da Kanpezu, 22:00etan. Argantzunen ere proiektatuko dute ekoizpen bera, 22:00etan. Hurrengo asteburuan, Zigoitiara (uztailaren 15ean) eta Zuhatzu-Kuartangora (uztailaren 16ean) egingo du salto zinema zikloak eta Iparraldeko Norman pelikula ikusgai izango da.
Zinema euskaraz eskaintzen duen proposamen hau 5 urtetik 45 urtera bitarteko jendearentzat da, hain zuzen adin tarte horretan baitaude lurraldean elebidun gehien. Ekimen honen bitartez, Arabako Foru Aldundiak euskararen erabilera sustatu nahi du, Arabako Lurralde Historikoko herrietan euskaraz egiteko espazio berriak eskainiz.