Gaur osoko bilkura egin du CSNk. Segurtasun Nuklearraren eta Babes Erradiologikoaren zuzendari teknikoek azaldu dutenez, oraindik Garoña berriz martxan jartzeko eskaera eta dokumentazioa aztertzen ari dira, eta horrenbestez "azaroa inguruan" txostena aurkeztea espero dute.
Txostena aldekoa bada, Espainiako Gobernuak baimendu ahalko du, edo ez, zentral nuklearra martxan jartzea. Txostena kontrakoa bada, bete beharrekoa litzateke, eta gobernuak ezin izango luke martxan jartzea baimendu.
Gogoratu behar da ekainaren 11n Araba garoñarik gabe plataformak manifestazioa deitu duela Gasteizen, 19:00etan, Andra Mari Zuriaren Plazan.
