Urtarrilean iaz baino bidaiari gehiago jaso zituen Arabak

Erredakzioa 2016ko ots. 23a, 12:23

Guztira, 20.981 turista izan dira urtarrilean Araban, iaz baino %12,1 gehiago. Arabako Errioxan, esaterako, hotelen betetze-maila ia %40 izan zen, Donostiaren atzetik, EAEn eman den mailarik handiena.

2016ko urtarrilean aurreko urteko hil berean baino turista gehiago jaso zituen Arabak. Eustaten datuen arabera, guztira 20.981 bisitari jaso zituen lurraldeak; 3.725 atzerritarrak eta 17.256 Espainiako estatuko hiri ezberdinetakoak. Horrela, bidaiarien sarrerak %12,1 igo dira Araban urtarrilean. Gipuzkoan, berriz, igoera hau %24,4 izan da, Bizkaian, aldiz, %4,1. Gaualdiek ere bilakaera positiboa izan zuten, Araban, esaterako, %17,2 igo ziren. Batez besteko egonaldiari dagokionez, Araban iazko 1,73 egunetik aurtengo 1,80 egunera luzatu zen urtarrilean.

   Hotel okupaziorik handiena, plazaka, Donostian (%40,1) jaso da. Bigarren postuan, Arabako Errioxa dago, non hotelen betetze-maila %39,3 izan zen. Bestalde, landa turismoko ostatuetan bidaiarien sarrerak ere handitu ziren Araban, aurreko urteko hil berean baino %37 gehiago, hain zuzen ere.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide