EAJk Jose Antonio Suso Araba Buru Batzarraren presidente hautatu berri du. Horrela, Arabako EAJren herrialde batzarrak herrialde mailako barne kargu berriak izendatu ditu: Araba Buru Batzarra, Aberri Batzarreko ordezkari arabarrak eta Herrialde epaimahaiko kideak.
Jose Antonio Susok datozen lau urterako erronka Araban EAJren lidergoa sendotu eta hedatzea dela azaldu zuen kargu berria hartzean. “Lortutako gehiengoari eta EAJk akordioak lortzeko duen gaitasun politikoari esker, erakundeak lideratzeko erantzukizuna dugu. Irabaztea garrantzitsua da eta gobernatzea erantzukizun handia. Baina, alderdiak Araban duen posizioa sendotzea benetako erronka da”, azaldu zuen Susok.
José Antonio Susok pertsona berriak izango ditu lantaldean: Manu Allende, Jone Berriozabal, Unai Grajales, Eugenio Jimenez, Txelis Letona, Miren Nanclares, Raimundo Ruiz de Escudero, Amaia Ruiz de Biñaspre eta José Antonio Zabala. Burukide gisa honako hauek errepikatuko dute: Elisa Irazu, Gorka Iturriaga, José Angel Menéndez, Irune Muguruza eta Claudio Rodríguez.
Jose Antonio Susoren profila
Araba Buru Batzarraren presidente berria Maeztun jaio zen duela 59 urte. Kimikan lizentziatua eta MBA masterduna, enpresa ikasketak ditu. 22 urtez sektore pribatuarekin lotura profesionala izan du eta 2010etik gaur egun arte elikadura arloko enpresa batean kudeatzaile lanetan ari da.
Arraia-Maeztuko alkate izan zen, 1983-1987 agintaldian. Arabako Batzar Nagusietan batzarkide izan eta gero (1988-1991), Arabako Foru Aldundiak Nekazaritza zuzendari izendatu zuten (1991-1995). Geroago, Nekazaritza Diputatu izan zen (1995-1999). 2006 eta 2009 artean Elikadura industrien sailburuorde izan zen Eusko Jaurlaritzan. Urtebete lehenago zuzendari izan zen sail berean (2005-2006). Azken lau urteetan herrialde buru batzarreko kide izan da (2012-2016).