alea.eus

Arabako herrien izenen inguruko liburua aurkeztu du Patxi Salaberrik

Erredakzioa 2016-01-21 13:06   Euskara  Araba

Araba/Álava. Los nombres de nuestros pueblos izenburupean, Arabako toponimia nagusia aztertzen du Arabako Foru Aldundiaren argitalpenak.

 

Patxi Salaberri Zaratiegi euskaltzain eta Euskaltzaindiko Onomastika batzordeko buruak Arabako toponimia nagusia aztertzen duen Araba/Álava. Los nombres de nuestros pueblos liburua aurkeztu du Foru Aldundian.

Liburuaren xedea Arabako toponimia nagusia da eta Euskaltzaindiaren Izenak bildumaren barruan argitaratu da, Arabako Foru Aldundiaren babesarekin. Baina Arabako herrien izenak emateaz gain, izen horien inguruko azalpen guztiak eskaintzen ditu: herrien izen arautuan dokumentazio aldaerak, euskal mikrotoponimiako lekukotasunak, ebakera eta etimologia biltzen dira gehienetan. Zenbait aldiz, gainera, herritarren izena, euskal testuetan agertzen diren toponimoen aldaerak, alonimoa (herriaren beste izena) eta oharren bat azaltzen dira.

Lanaren bukaeran, Salaberrik ondorio linguistikoak atera ditu, hots, euskararen eta gaztelaniaren historiari doazkion kontuak aipatzen ditu.

 

Erantzunak

Erabiltzailearen aurpegia Martin Rezola 2016-01-22 09:22 Erantzuna | #1

Ezin dut sinistu. Euskaltzaindiak gaztelania hutsez atera du liburua?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa