Ikasteko Hitz adina mintzo hizkuntza gutxituak ezagutzeko zikloa eta UEUrekin antolatutako ikastaro eta mintegiak. Ikusteko Rockomikiak eta Bertatik Bertara erakusketak eta Kortxeak eta krispetak musika lorategian eta zinema harresian zikloa. Entzuteko Eskilarapeko soinuak musika zikloa eta Udaberri jaia hizkuntza gutxituen musika jaialdia. Sortzeko Sortegia izeneko sormen-ikastaroak eta dantzatzeko Ilunabarrean dantzan balfolk eta euskal dantzen zikloa. Galdetzeko SolasALEAn izeneko elkarrizketa irekiak, ALEA aldizkaria eta Hirinet atariarekin
elkarlanean antolatutakoak. Parte-hartzeko Gasteiztarrak arraun the world argazki lehiaketa… eta beste hainbeste.
Etorkizunera begira “orain arteko lana egonkortzea eta proiektua ezagutzera ematea” da Oihaneder Euskararen Etxearen erronka. “Era berean, egitasmoari osotasuna emango dion Gasteizko Kafe Antzokia legegintzaldi honetan errealitate bihurtzea ere bilatuko da, Udalarekin adostuta eta ahalik eta eragile eta jende gehien parte hartuko duen hausnarketa kolektibo batetik abiatuta”, adierazi dute Euskararen Etxeko arduradunek.
Urteurrena ospatzeko, urteko antzerki-laburpena egingo da Kuku Bazar Gasteizko antzerki konpainiaren eskutik. Ospakizuna urriaren 15ean izango da 20:00etan, Oihaneder Euskararen Etxean.
Informazio gehiago: Oihaneder Euskararen Etxea