Mendizorrotzako 90. urteurrena larunbat honetan ospatuko da hainbat ekintzekin

hirinet 2014ko urr. 27a, 01:00

Hurrengo larunbata egun garrantzitsua izango da Deportivo Alaves taldearentzat; ez da Gasteizen jokattuko den partiduagatik baizik eta Mendizorrotzako 90.urteurrena ospatuko duelako.

 Hori dela eta, Iraultza 1921, Deportivo Alaves eta Gasteizko Udalaren babesarekin, hainbat ekintza antolatu ditu Alaves- taldeak Alcorconen kontra jokatuko duen partidua baino lehen.

 

Ekintzen artean, Mendizorrotzako kanpoaldean egongo den bufanda-murala izango da nabarmenduko dena. Ibai Ruizek, Iraultza 1921koa, azaldu duen arabera, "merezi duen esfortzu handia" da. Mural honetan, 16 irudien bitartez, futboleko talde zuri- urdin honen historia adieraziko da, esate baterako, Ciriaco eta Quincoces jokalari historikoei omenaldia egingo zaie irudi horien bitartez.

 

Murala jada hasita dago eta Mendizorrotzako kanpoaldean ikus daiteke; dena den, hurrengo egun hauetan, Fill in Culture-k, Tifo Ekintza –k eta Psychograffs-ek honen lanketarekin jarraituko dute larunbatean dena prest egoteko.

 

Horretaz aparte, egongo diren beste ekintzak goizeko 12etatik 15etara hartuko dute lekua;  hauek izango dira: Deportivo Alaves museoko ate irekiak, herri kirolak, umeentzako tailerrak, BMX-TRIALSIN-eko erakusketa (13.00H), musika girotzea, pintxo-potea, DJ emanaldiak, Break dance (16.00H), “90 AÑOS MENDIZORROTZA” graffittiaren inaugurazioa eta Aurreskua Alaves-eko afizionatuen ohorean.

 

 

 

 

 

 

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide