Ariznabarra zein Hegoalde gizarte etxeetako eskalada monitoreek “enpresa berriak inposatu nahi dituen lan baldintza berriak onartzeko mehatxuak erabili izana” salatu du. Honez gain, hilero soldata atzerapenarekin jasotzen dutela kritikatu dute. “Ez da hilabete bat ere egon nomina lehen 7 egunetan jaso duguna”, gaineratu dute. Egoera larria bizi duten arren, eskalada monitoreek “ardura eta profesionaltasuna” indartzeko erabaki tinkoa hartu dute, Aiteko enpresarekin dituzten arazoek eskaintzen duten zerbitzuan eraginik izan ez dezaten.
Horiek horrela, Aiteko enpresak mehatxuak egi bihurtuko dituela ohartarazi dute errokodromoetako langileek, izan ere, martxoaren 31n lehen bi kaleratzeak burutuko dira. Egoeraren larritasunak, beraz, bestelako erabakiak hartzera eraman ditu eta, aurrerantzean, bizi dute egoeraren berri emateaz gainera, jendartearen laguntza eskatzen dute.
Horretarako, change.org eskaerak egiteko plataformaren bitartez, udaletxean aurkezteko sinadura bilketa abiarazi dute. Monitoreen ustetan, udala baita arduradun nagusia eta “gure arazoei irtenbidean eman diezaiokeena”.