Gasteizko Turismo bulegoak jasotako datuen arabera, 4.600 bisitari izan ditu hiriak Aste Santuko bost egunetan. Zehazki, 4.610 lagun joan dira informazio eske plaza Berrian kokatuta dagoen Turismo bulegora, iaz baino %2’08 gehiago. Ostegun santua izan da egunik jendetsuena, 1.205 bisitariekin.
Bisitarien jatorriari dagokionez, gehienak Kataluniatik etorri dira, %16 inguru. Hego Euskal Herritik etorri direnak ere %16 inguru izan dira, Madriletik %14’5 eta Valentziatik, %7.
Idoia Garmendia turismo zinegotzia pozik azaldu da datuekin eta kopurua “urtez urte hazte ari dela” nabarmendu nahi izan du. Garmendiaren esanetan turismoak eragin positiboa du hiriko ekonomian eta sektore hau bultzatzen jarraitzeko asmoa agertu du.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?