Langileek Hiritarren arretarako plan berria ezartzerakoan Udal Gobernuaren “inposaketa” salatu dute, besteak beste, Udalak egutegia eta leku aldatzeak inposatu dizkietelako. Plana “udal gobernua asetzera” bideratuta dagoela uste dute eta langile interinoak kaleratzearekin “mehatxatzen” dituztela adierazi dute. Enpresa batzordeak argitu bezala, egutegi berriekin lan baldintzek txarrera egin dute eta langile batzuk (lanpostu berean 20 urte egon ostean) lekuz aldatzera behartu dituzte. Horrez gain, hiritarren arretarako langileei administratibo lanak egitea eskatzen zaie (kategoria honetan sartuta egon gabe).
Aipatutako plan honek ere 010eko langileek aurrera eraman zuten 67 eguneko greba eragin zuen.