Audio sorkuntza eta edizioa: audioak nola editatu erakutsiko dute eta ahotsak eta musika nahasteko oinarrizko nozioen inguruan arituko dira.
Ahozkotasuna eta lokuzioa: Testu bat nola irakurri behar den mikrofono baten aurrean, entonazio egokia nola eman, arnasa nola hartu eta antzeko kontuez arituko dira.
Uhinetik sarera: Web orri batek irrati bati eskaintzen dizkion aukeretan jarriko dute arreta; audioak sarera nola igo, albiste bat nola publikatu… Saregunen izango da tailer hau.
Zuzeneko emisioa kaletik nola egin: Kaletik irrati bidezko zuzeneko emisioa nola egin ikasiko dute parte-hartzileek eta horretarako, tailerra Hala Bedi tabernan egingo da.
Tailer guztiek bi ordu iraungo dute, debalde izango dira eta izena emateko programazioa@halabedi.org helbidera idatzi behar da.
Horrez gain, 19.00etan ‘Euskal musika. Bidegurutzean ala zubian?’ mahaingurua antolatu du irratiak Hala Bedi Tabernan. Bertan musikari buruz jardun egingo dute Josu Zabala musikariak, Jon Eskisabel kazetariak eta Josu Larrinaga soziologoak.