Maider Unda aramaioarrak badu eskarmentua horrelakoetan eta Beijin 2008ko Olinpiar Jokoetan bosgarren postua lortu ostean, gogotsu abiatu da Londresera eta domina irabaztea izango du helburu. Abuztuaren 9an izango du aukera.
Gainontzeko hirurak hasiberriak dira kirol ekitaldi erraldoi honetan baina horrek ez du esan nahi prestatuta ez daudenik. Horrela, Sugoi Uriarte judoka gasteiztarra igandean bertan lehiatuko da 66 kilo azpiko kategorian eta ez du baztertzen metalezko dominaren bat lortzea. Datorren urtean Bera Bera taldean elkarrekin jokatuko duten Eli Pinedo amurriarra eta Patri Elorza gasteiztarraren txanda, berriz, larunbatean izango da eta abuztuaren 11an ospatuko den finalean sartzeko ahaleginak egingo dituzte.
Zorte on guztioi!