alea.eus

Caicedo Yusoko lakua eta Añanako diapiroaren interpretazio gunea sortuko dute

Erredakzioa 2017-01-31 13:08   Ingurumena  Añana

Caicedo Yusoko lakua eta Añanako diapiroa babesteko 89 neurri onartu ditu Aldundiak. Guztira, sei milioi euro inbertituko ditu datozen sei urteetan.

Caicedo Yusoko lakua eta Añanako diapiroaren interpretazio gunea sortuko dute
Caicedo Yusoko lakua. Irudia: PHOT.OK | Ikusi handiago | Argazki originala

Caicedo Yusoko lakuko Kontserbazio Bereziko Eremua (KBE) eta babestutako biotopoa den Añanako diapiroa kudeatzeko eta babesteko neurriak onartu ditu foru erakundeak. 89 neurri dira eta guztira sei milioi euro inguru inbertituko ditu datozen sei urteetan. Besteak beste, Caicedo Yusoko lakuaren eta Añanako diapiroaren interpretazio gune bat sortuko dute. Era berean, inguru natural horretako interesgune nagusiak lotuko dituen ibilbide geologiko bat diseinatuko dute eta lakuan hegazti behatoki bat eraikiko dute.

Horrez gain, espezie inbaditzaileak kontrolatzea eta bertako espezieak zaintzea ere aurkitzen dira Arabako Foru Aldundiak ingurune hau babesteko hartuko dituen neurrien artean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa