alea.eus

Arabako sagardo denboraldia zabaldu dute

Estitxu U. Lopez de Arkaute 2017-01-13 11:49   Gizartea  Añana  Kuartango

Kuartango Sagardotegian zabaldu zuten ostegunean Arabako txotx bolada; bide batez herrialdeko hirugarren sagardotegia inauguratu dute.

Hasi da Araban sagardo denboraldia. Maider Unda borrokalariak ireki du txotx bolada, eta bide batez sagardotegi berria inauguratu du. Kuartangoko bainuetxe zaharraren beheko solairuan egokitu dute Arabako hirugarren sagardotegia, Zuhatzu Kuartangon. Ekitaldian parte hartu zuten Kuartangoko eta Añana Kuadrillako bizilagun ugarik baita ordezkari instituzionalek ere. Eduardo Fernandez de Pinedo Kuartangoko alkatea, eta Eduardo Aginako Nekazaritza diputatua egon ziren, besteak beste.

Txalapartarien soinuak eta dantzarien agurra lagunduta zabaldu zuten ostegunean arratsaldean txotx ekitaldia Kuartango sagardotegian; ondoren Maider Undak lehen txotx egin zuen, eta Asier Otamendi eta Felipe Zelaieta bertsolariek gonbidapena egin zieten bertaratutako lagunei "gaur dohainik baina hurrengoan ordainduta" Arabako sagardoa dastatzeko. 

 

Ikusi argazki guztiak handiago

Arabako sagardo denboraldia zabaldu dute - 1

Arabako sagardo denboraldia zabaldu dute - 2

Arabako sagardo denboraldia zabaldu dute - 3

Arabako sagardo denboraldia zabaldu dute - 4

Arabako sagardo denboraldia zabaldu dute - 5

Arabako sagardo denboraldia zabaldu dute - 6

Arabako sagardo denboraldia zabaldu dute - 7

Arabako sagardo denboraldia zabaldu dute - 8

Arabako sagardo denboraldia zabaldu dute - 9

Arabako sagardo denboraldia zabaldu dute - 10

Arabako sagardo denboraldia zabaldu dute - 11

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa