09:30ak aldera gertatu da ezbeharra. Baias ibaiak gainezka egin du, eta urak A-4356 errepidetik Andagoiara sartzeko errepidea hartu du, bertatik igarotzea oztopatuz; horrek ezustean harrapatu du ibilgailuaren gidaria.
Bertan mugitu ezinik gelditu da autobusa, ura gurpilen altuerara iristen baitzen, eta bidaiariak ezin ziren bertatik atera. Horrenbestez, suhiltzaileek joan behar izan dute, eta txalupa pneumatiko baten laguntzaz, besoetan atera dituzte banan-banan 19 umeak eta haiekin zihoazen bi helduak. Autobusak 35 leku ditu, eta inguruko ikasleak Izarrako ikastetxera eraman ohi ditu.