alea.eus

Familian euskaraz jolasteko saioak antolatu dituzte

Estitxu U. Lopez de Arkaute 2016-12-16 11:15   Euskara  Añana

Añana Kuadrillako euskara zerbitzuak lau saio antolatu ditu Jolastu familian euskaraz programaren barruan, udalerri ezberdinetan

Familian euskaraz jolasteko saioak antolatu dituzte
Gobea Eskola, Uribarri Gaubean. Arg:PHOT.OK | Ikusi handiago | Argazki originala

Euskararen Astearen baitan antolatu du Euskara Zerbitzuak Jolastu familian euskaraz tailerrak, Añana Kuadrillan, ume eta gurasoek elkarrekin euskaraz jolasteko. Saioen helburua da euskararen transmisioan eragitea.

Ostiralean, Langraiz Okako gizarte etxearen gimnasioan egingo dute tailerra, 17:00etatik 19:00etara; larunbatean goizean Uribarri Gaubeako Gobea eskolako gimnasioan izango da tailerra, 11:00etatik 13:00etara. 

Azkenik, larunbatean, Rivabellosako zentro berdean, DJ Martinbertso eta Ane Pirata ikuskizuna egingo dute, 17:30ean.  Saio irekia izango da, dantza, koreografia, eta karaokea uztartuko dituena; umeen eta gurasoen partehartzea sustatzeko asmoa duen ikuskizuna da, antolatzaileek azaldu dutenez.

Beste alde batetik, Zuhatzu-Kuartangon larunbatean, 19:30ean, Gabonetako pregoia egingo dute udaletxean, eta Potxin eta Patxin pailazoak Nor da Olentzero? lana aurkeztuko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa