Valderejora bisitan doazenek aukera izango dute irudigile onenen lanak ezagutzeko; haiek, beren lanarekin, jende guztiarengana zabaltzen dute biodibertsitatearen gaineko ezagutza, zorroztasun eta zehaztasun handiz eginez espezie bakoitzaren argazkia.
Erakusketa ibiltari honetan, 40 irudi hautatu dira, epaimahaiak saritutako Acronicus longimanus male and female izenekoa barne, Jorge Ignacio Mesa Alvarezena, edo Psalidognathus friendii izenekoa, Astolfo Mata Betancourt-ena.
Ilustraciencia –irudi zientifikoen nazioarteko saria- izeneko ekimen hau datozen hilabeteetan Arabako natura parkeetan zehar ibiliko da eta agerian utziko du irudigileen lanaren balioa, "haiek zientziaren zabalkundea irudiaren bidez egiteko zereginean ematen baitute bizitza".