BAIETZ 42! ekimenaren haritik Kulki taldeak antolatuta euskal joko eta jolasak egingo dira. Halaber, txokolatada, San Juan sua, eta dantza plaza Bidabarri dantza taldeak antolatuta.
San Joaneko jaiak direla eta, kontzertua antolatu du Oiongo Udalak. Herriko Irule taldeak Oskorriri omenaldia egingo dio.
Udal Folklore Akademiak Dantza Plazan saio berezia antolatu du, Bandtzaldia izeneko ikuskizuna; Udal Musika Bandak, Aiko taldeak eta Folklore Akademiak dantza errepertorioa interpretatuko dute, erromeria bat irudikatuz, eta publikoak entzuteaz gain dantzan aritzeko aukera izango du.
Udal Musika Banda eta Udal Folklore Akademia elkarlanean arituko dira emankizun berri honetan, BANDtzaldia, Bandako musikariak AIKO taldeko dantza maisuekin elkartuko dituena. Folklore Akademiaren Dantza Plazan goreneko mailako bi gonbidatu hauek izango ditugu. Eta musika entzuteaz gain, publikoa dantza egitera ere animatzea da helburua. Gasteizko Udal Musika Banda eta Udal Folklore Akademia elkarrekin lanean askotan aritzen diren arren, honako hau Dantza Plazan modura egiten duten lehenengo aldia da.
Udaberri honetan Altxa kopla hori egitasmoa martxan ipini du Arabako Bertsozale Elkarteak. Bertsolariek kopla doinuetan kantatuko dute. Arabako 28 bertsolarik, 6 gai jartzailek eta tokian tokiko bina musikarik parte hartuko dute. Kopla sortak ekoizteko tailerrak ere antolatuko dira hainbat herritan. Amurrioko saioan Xabi Igoa, Aroa Arrizubieta, Jon Ruiz de Pinedo eta Serapio Lopez izango dira; gai jartzaile gisa Aintzane Irazusta ibiliko da.
Ikimilikiliklik · JA Artzeren unibertsoa bideo-instalazioa ikusgai egongo da maiatzaren 26tik uztailaren 2ra Oihaneder Euskararen Etxeko ur biltegian. Ikimilikiliklik · JA Artzeren unibertsoa ikus-entzunezko sorkuntza bat da, azken hamarkadetako euskal sortzaile original eta garrantzitsuenetako bat ezagutzeko helburuz sortutako erakusketa. Ikusleek irudi, musika eta soinu mundu batean murgilduta, haren obra ezagutzeko aukera izango dute. Joxe Antonio Artze Agirre -Joxan Artze- (Usurbil, 1939) idazle eta musikariak 40 urte baino gehiagotan garatutako lan poetikoan zehar egindako bidaia da Ikimilikiliklik bideo-instalazioa. JA Artze oso ezaguna da herritarren artean Mikel Laboaren abesti ikonikoen letren egilea izateagatik, esaterako, Txoria txori, Gure Bazterrak edo Zaude lasai; baita bere anaia Jexuxekin txalapartari gisa aritzeagatik ere. Baina Artzek obra sakona eta gutxi ezagutzen dena ezkutatzen du, artearen hainbat esparrutan garatu duena: poema-liburuak, audio-grabazioak eta ikuskizun eszenikoak. Horien isla izan nahi du bideo-instalazio honek.
Abian da hirugarren urtez Gasteiztarrak Arraun The World udako argazki-hizki lehiaketa. Iaz bezala, Oihaneder Euskararen Etxeak eta Gauekoak-ek elkarlanean antolatu dute lehiaketa, hainbat eragilerekin batera. Proposamena: 2017ko udan munduan zehar eginiko bidaia argazki eta hitzen bitartez kontatzea. Ohiko sariez gain, aurten Publikoaren Gazte saria ere izango da. Informazio gehiago: www.oihaneder.eus