Asteartea, maiatzak 16

18:00

[IPUIN KONTALARIA] 'Paperezko ateak'

Udalaren liburutegi sareak haur eta familientzako jarduera bereziak antolatu ditu otsailetik maiatzera bitartean. Besteak beste, Pedro Ruiz (Alabazan) ipuin kontalaria izango da Abetxukuko liburutegian Paperezko ateak emanaldiarekin: Liburuak etxeko atea bezalakoak dira: beste aldean mundu zabala dago gure zain, eta orriak pasatu besterik ez dugu egin behar. Paperezko ate horiek irekitzean zer gertatzen da? Egitaraua: Haur eta familientzako jarduerak

19:00

[HITZALDIA] 'Euskal literaturaren mitoak (eraitsiz)'

Iban Zaldua idazlea egungo euskal literaturaren mitoak desmuntatzen saiatuko da, bere saiakera literarioak eta  blogeko sarrerak oinarri hartuta. Egungo literaturako joeren, tasunen eta kerien inguruan arituko da. Euskal literaturaz batik bat, baina orobat egungo literatura unibertsalaz (hots, mendebaldar turbokapitalistaz): azken finean, euskal literatura (behingoz) korronte nagusi horren barruan bete-betean dagoela esan daitekeelako, zorionez eta zoritxarrez, onerako eta txarrerako.