Larunbata, maiatzak 13

10:00

[LEHIAKETA] 'Bertsoa bizi gazte'

Bertsoa bizi gazte lehiaketa Arabako gazteen euskarazko talde sormenak bultzatu eta argitara ekarri nahi ditu, hitzez, doinuz eta irudiz osaturiko bideoklip lehiaketa baten bidez. 14-18 urte bitarteko lagunei zuzendurik dago, eta eskatzen zaien bakarra da bertsoak egin, abestien letrak aldatu edo rap bat osatzeko euskaraz, eta bideo-klipa maiatzaren 5a baino lehen bertsoabizi@gmail.com korreora bidaltzeko.  Bertsoa bizi gazte eguna Legution ospatuko da. Sari banaketa, bazkaria eta egun osoko jaia izango da. 10:00etan Aurkezpena Kultur Etxean. 10:30ean Bideoklipak. 11:30ean Hamaiketakoa. 12:00etan Gazteen 14-18 urte bitarteko bat-bateko eskolarteko finala. 14:30ean Bazkaria Frontoian. 16:00etan Sari banaketa eta amaiera jaia Frontoian.

11:00

[AZOKA] Lorabarri

Aramaioko eta Bizkaiko ekoizleak bilduko dira Lorabarri Azokan.

19:00

[JAIA] Kantuz kantu, dantzaz dantza

Aurreko urteetan bezala aurten ere Kantuz kantu Dantzaz dantza saioa ospatuko da, Jare dantza taldeak antolatuta. Seigarren urte honetan bi ibilbide ezberdin egongo dira Gasteizko kaleetatik zehar. Arratsaldeko 19:00etan hasiko dira Arka plazan eta General Loma plazan. Bertan bi abesbatzek (Sustantzieroak eta Arantzabela) eta bi dantza taldek (Jare Dantza Taldea eta Adurtza Dantza Taldea) hartuko dute parte. Ekitaldiari denok batera Andra Mari Zuriaren plazan emango diote amaiera, arratsaldeko 20:30etan.

20:00

[KONTZERTUA] 'Garden' ikuskizuna

Alos Quartet taldeak ikuskizun berria osatu du bere azken diskoa aurkezteko: Garden. Proposamen berrian Alos Quarteten harizko musika-tresnen doinuek Oreka Tx-en harrizko eta egurrezko txalapartak eta Aukeran eta Jeiki dantza taldearen mugimendua izango dituzte lagun.  Aldez aurretiko salmenta: Harresi aretoan maiatzaren 8an eta 9an, 11:00etatik 13:00etara. Sarrerak: arruntak 10 euro, Harresi txartelarekin 8 euro.

20:30

[KONTZERTUAK] PI L.T. + Hiena

Maiatzaren 13an, Gasteizko Jimmy Jazz aretoan, PI L.T. eta Hiena taldeen kontzertua izango da.  Informazio gehiago: Jimmy Jazz

08:00

18:00

[LAUDIOKO OXIGENOA EUSKARARI] Txangoa Gorobelera

Maiatzaren 13an eta 14an asteburu osoko txangoa egingo dute Laudioko gazteek, Oxigenoa euskarari kanpainaren barruan. Txangoan Gorobelgo hainbat bazter liluragarri ezagutuko dituzte, eta Ponatako aterpean pasako dute gaua. Irteera: 8:00etan izango da Laudio institutuaren aurrean. Laudioko Udalak herriko DBHko ikastetxeekin antolatutako ekintza da hau, Mendiak eta Herriak elkarteak kudeatua.