Asteazkena, maiatzak 10

16:30

[ZINEMA] 'Ardiak eta otsoak'

Zineuskadik sustatzen duen Zinema Euskaraz programari esker, Ardiak eta otsoak filma zinema aretoetara iritsi da, euskaraz. Ardiak eta otsoak urruneko lurralde magiko bateko otsoen kanpalekuan kokatzen da. Bi otsoen arteko borroka otso taldeko buru izateko: alde batetik, Ragaer anker eta indartsua; bestetik, hari aurre egiten saiatuko den Gris izenekoa. Borrokaz haratago, maitasun eta magia kontuak tartekatuko dira istorioan zehar. Zer gertatuko litzateke otso bat bere kobazuloan dagoela ardi bihurtuko balitz! Erantzunak, Ardiak eta otsoak pelikulan.

18:00

[IPUIN KONTALARIA] 'Ipuinak jo eta musika kontatu'

Udalaren liburutegi sareak haur eta familientzako jarduera bereziak antolatu ditu otsailetik maiatzera bitartean. Besteak beste, Ipuinak jo eta musika kontatu ipuin kontaketa izangon da Badut taldearen eskutik. Egitaraua: Haur eta familientzako jarduerak

18:30

[BISITA GIDATUA] Juan Perez Agirregoikoaren obra

Erakusketen bisita gidatuak dira arte garaikidea barneratzeko modurik onena. Artium Bildumaren parte den Juan Perez Agirregoikoaren 'Uztailak 38-Urriak 37' obra aurkeztuko dute. 

19:00

[IDAZLEEKIN SOLASEAN] Kattalin Miner

Udalaren liburutegi sareak antolatutako egitasmoa da Idazleekin Solasean. Euskaraz idatzitako literaturari eskaini nahi diogun txoko honetan, esperientziak, irakurketak, iritziak… bildu nahi ditugu, idazleen eskutik. Karmele Jaiok solasaldiak aurkeztu eta dinamizatuko ditu, beti ere literaturaren eta irakurketak sortzen duen plazeraren inguruan. Maiatzaren 10ean kattalin Miner izango da solasaldian, feminismotik eta bazterretatik mundua ikusten duen kazetaria. Hainbat hedabidetan kolaborazioak egiten ditu. Halaber, mugimendu feministako aktibismoagatik ezaguna da. Bere artikuluetan sarri jorratzen ditu feminismoa, familia eredua, patriarkatua edo homo/ heterosexualitatea bezalako gaiak. Egitaraua: Gazte eta helduentzako jarduerak.

19:00

[HITZALDIA] Ortu eta baso bionitzak

Iñaki Etxebeste biologoaren eskutik ortu eta baso bioanitzen onurei buruzko aurkezpen-tertulia.

21:00

[KONTZERTUA-POETAK MAIATZEAN] Antton Valverde

Poetak Maiatzean 2017 jaialdiaren barruan euskarazko lau ekitaldi hartuko ditu Oihanederrek. Horien artean, Antton Valverde eta Lauaxeta artista handiak izango dira protagonistak. Abeslari donostiarrak bere karrera osoan zehar Lauaxetaren poemetan oinarrituta egindako kantak ekarriko ditu. Gure musikarien artean Lauaxetari arreta berezia ipini dio Valverdek eta kanta horiek ekarriko ditu poetaren heriotzaren 80. urteurrenean.