Gasteiz Irekia pertsona migratzaile eta errefuxiatuen aldeko herritarron ekimena da, eta bertan, hainbat pertsona eta talde elkartu dira. Errefuxiarte proiektuaren bidez, migratzaileen eta babes eskatzaileen egoera bidegabe eta jasanezina agerian utzi eta salatu nahi dute, Europako mugetan eta munduko beste leku batzuetan bizi dutena. Erakusketa Iparralde Gizarte Etxean dago, apirilaren 26tik maiatzaren 15era bitartean.
Gasteizko Gaztetxearen 29. urteurrenaren inguruan antolatu dituzte hainbat saio apirilaren 26an. 17:30ean hasita txotxongilo ikuskizuna izango da, ondoren, 19:00etan Ane Gebara ipuin kontalaria, eta 20:30ean Mara Feat Milayk ipuin musikatuak aurkeztuko ditu.
Laudioko Gazte Asanbladak III. jardunaldi antikapitalistak antolatu ditu. Apirilak 26an, asteazkena, 19:00etan. Zer da BDZ? Nola garatu daiteke herrian? hitzaldia eskainiko dute Jesus Valenciak eta Askapenak.
Apirilaren 26an Hitz Adina Mintzo zikloan Asiako hego-ekialdeko hokkienera hizkuntza aztertuko da. Sim Tze Wei hizkuntza-ekintzailearen eskutik ezagutuko dugu hokkienera. Tze Wei Malaisiako hizkuntzalaria eta hokkienera hizkuntzaren mantentzearen aldeko ekintzailea da. Kuala Lunpuren Telekomunikazio Ingeniaritza ikasitakoa, denborarekin hizkuntzekiko pasioa garatu eta Londresera aldatu zen, bertan SOAS unibertsitatean ikasteko. Antolatzailea: Oihaneder Euskararen Etxea