Osteguna, martxoak 23

10:00

Mintzodoromoa

Mintzodromoa martxoaren 28an burutuko da eta parte hartzeko izena eman behar da martxoaren 24a baino lehen Amurrioko euskaltegietan.

17:30

[TAILERRA] 'Umeekin Korrika petoak'

Olarizu auzoko hainbat eragileren artean Korrika astea prestatu dute eta besteak beste Umeekin Korrika petoak tailerra eskainiko da. 

18:00

[IPUIN KONTALARIA] 'Margo ipuinak'

Udalaren liburutegi sareak haur eta familientzako jarduera bereziak antolatu ditu otsailetik maiatzera bitartean. Besteak beste, Margo ipuinak ipuin kontaketa izango da, non ipuinen koloreetaz arituko da Ines Bengoa eta  umeen istorioak margotuko diren. Egitaraua: Haur eta familientzako jarduerak

18:00

[KORRIKA KULTURALA] Trikipoteoa

Korrika kulturalaren baitan, Gasteizko Arana auzoan trikipoteoa burutuko da martxoaren 23an, arratsaldeko 18:00etan.

19:00

[IKUSKIZUNA] 'Isturitzetik Etiopian barrena'

Isturitzetik Etiopian Barrena ikuskizuna Beñat Goitia gasteiztarrak sortutako musika, literatura eta zinearen uztartze bat da. Isturitzetik Etiopiarako, des-paradisurako, deserturako, finean, heriotzerako bidaia egingo duen pertsonaia bederatzi zirkulutan zehar murgilduko da, azken eztanda jasan arte. Musikaren atalean, euskal arte kostunbristaren eta abangoardiakoaren arteko talkatik sortutako pasarte atmosferikoek bustiko dituzte poesiaren tarteak. Adrian Puck DJ gasteiztarraren elektronika gordinak lagunduko ditu Beñat Goitiaren gitarra sesio intimoak. Amalur edo El mayorazgo de Basterretxe bezalako 60etako filmetatik ateratako samplerrek osatuko dituzte denboran atzera eramango gaituzten programazioak. Antolatzailea: Oihaneder Euskararen Etxea

19:00

Bertoko produktuen dastaketa

Pilarren ere euskararen alde egitasmoaren baitan, Bertoko produktuen dastaketa izango da martxoaren 23an. Bertan, arabako ardoa eta txakolina eta Idiazabal gazta dastatzeko aukera ezin hobea izango da. 18 urtetik gorakoentzat izango da eta abonatuek 1,5€ ordaindu beharko ditute, abonatuak ez direnek 2,55€.

19:30

[IKUS-ENTZUNEZKOA] 'Oskara plazara'

Iruñeko Arena Comunicaciónek dokumentala osatu du Kukai Dantzaren Oskara ikuskizunaren sorkuntza prozesuari buruz, kultura tradizionala eta garaikidearen arteko harremanaz... Dokumentala oraindik estreinatu gabe dago, eta haren aurkezpenarekin batera, formatu berezi bat jarriko da abian: dokumentala + dantzariak zuzenean. Dantza, musika eta ikus-entzunezkoak bateratuko dira bertan. Kukairen dantza, Erramun Martikorenaren kantua, dokumentalaren irudiak... Dantzarien zuzeneko lana eta ikus-entzuneko lanaren arteko uztarketa bat izango da.

20:00

Bertsokatu Txapelketa. Kanporaketa

Bertsokatu txapelketaren kanporaketa Hala Bedi tabernan ospatuko da eta bertan Peru Abarrategi, Antton Aizpurua, Xabier Antia, Aitor Najera, ider Perez eta Maddi Sarasua Laskarai bertsolariak arituko dira. Antolatzaileak: Kutxiko Tabernariak

20:30

[ANTZERKIA] 'Idiot txou'

Bi esatarik eta teknikari batek zuzeneko irratsaio bat egingo dute antzokitik zuzenean. Irratsaioak audientzia arazo larriak izango ditu, entzuleek apenas deitzen dute. Baina hala eta guztiz ere, gure protagonistek entretenimendurako tarte bat izatea nahiko dute, arazorik gabe, audientzia lortu eta kaleratzea saihestuko diena. Antolatzailea: Principal Antzokia