Asteazkena, martxoak 22

09:00

'Irakurri, gozatu eta oparitu'

Euskaltzaleen elkarteek, Udalek, liburutegi publikoek eta liburu dendek elkarlanean 11. urtez antolatuko dute aurten Irakurri, gozatu eta oparitu egitasmoa. 2017ko martxoaren 20an hasi eta maiatzaren 31ra arte iraungo du. Egitasmoaren helburu nagusiak irakurzaletasuna bultzatzea, literaturarekin gozatzea eta gozaraztea dira, irakurtzeak eta oparitzeak (zein opariak jasotzeak) dakarten gozamenaren bidez. Horregatik, prozesu aberasgarri bat eta parte hartzaileentzako abantailak proposatzen dira. Hiru pausu erraz: Irakurri. Lehenengo pausoa euskaraz irakurtzea da. Horretarako, herriko liburutegi publikora joan  eta euskarazko edozein liburu maileguan eskatu ahal duzu. Gozatu. Liburua irakurri, liburutegira itzuli eta fitxa erraz bat bete bete: zein izan den irakurritako liburua eta zer iritzi dugun. Fitxa hori beteta, liburuzainak erosketa-txekea emango dizu, hitzartutako liburu dendan erabiltzeko. Oparitu. Azken pausoa, liburua oparitzea da: lagun bati, senide bati edo norbere buruari. Abantailak: Liburutegian jasotako erosketa-txekeak, euskarazko beste edozein liburu %35 merkeago erosteko aukera emango dizu! Apirila eta maiatza bukaeran, liburutegi bakoitzean 30€ko  balioa duen txekea zozkatuko da, hile horretan irakurle fitxa bete dutenen artean. Txeke berezi horrek, besteek bezala, euskarazko liburuak erosteko aukera emango du. Araban Agurain, Asparrena, Barrundia, Dulantzi, Gasteiz, Kanpezu, Legutio, Maeztu, Urizaharra, Urkabustaiz, Zigoitia eta Zuian abiatuko da egitasmoa. Informazio gehiago: Euskaltzaleen Topagunea

10:00

[BISITA GIDATUA] 'Ezagutu zure udala'

Gasteizko Udalaren Herritarren Parte-hartzerako Zerbitzuak Ezagutu zure Udala bisita gidatura gonbidatzen zaitu. Apirilaren 4an izango da, 18:00etatik 19:00etara eta esteka honen bidez eman behar da izena: <http://www.vitoria-gasteiz.org/j31-01w/formularioViewer/create?formularioId=193> 

18:00

[HAURRENTZAKO TAILERRA] 'Munduko etxea'

Udalaren liburutegi sareak haur eta familientzako jarduera bereziak antolatu ditu otsailetik maiatzera bitartean. Besteak beste, Munduko etxeak tailerra izango da, zeinetan arkitekturaren eskutik, munduko txoko berezienetara bidaiatuko da etxe mota ezberdinak eraikiz. Egitaraua: Haur eta familientzako jarduerak

19:00

[HITZALDIA] 'Maskulinitate berriak'

BIOK taldeak egingo du gizon guztientzako solasaldi irekia “Maskulinitate berriak” lelopean. 

19:00

[BEGI BELARRI] 'Mugaminak'

Aurtengo Begi Belarri zikolaren baitan Mugaminak dokumentala izango da ikusgai. Amets Arzallus bertsolariak Zipreko inprobisatzaileekin bertso saio bat egin zuen uztailaren hasieran Paphos herrian. Bertso saio horren aitzakian mugak zatitutako bi herri gurutzatzen ditu dokumentalak: Zipre uhartea eta Euskal Herria. Ondoren, Amets Arzallusekin solasaldia izango da. Antolatzaileak: GEU Elkartea eta Oihaneder Euskararen Etxea

20:30

'5. Auzoa Kantari'

5. Auzoa Kantari Zizta Euskara taldeak antolatu du, oraingo honetan 20. Korrikaren alde. Bertan, Paula Amilburu musikaria arituko da eta ondoren afaria girotua izango da.