[BARRUNDIAKO OXIGENOA EUSKARARI] BTT martxa

2017/05/21 08:00

Barrundia Lautada Barrundia |MENDI IRTEERA

Oxigenoa Euskarari egitasmoaren barruan, bizikleta martxa antolatu dute Barrundian, 8 eta 12 urte bitarteko gazteei zuzenduta. Euskara eta mendia uztartzen dituen ekimena da.

Gainera, maiatzaren 21eko irteeran bizikletaren oinarrizko mantenua landuko dute gazteek.

 

[HAURRENTZAKO MUSIKA] 'Kulunka'

2017/05/22 18:00

judimendi liburutegia Gasteiz |HAURRENTZAKO EKINTZA

Udalaren liburutegi sareak haur eta familientzako jarduera bereziak antolatu ditu otsailetik maiatzera bitartean. Besteak beste, kulunka musika emanaldia izango da, txikitxoek zuzeneko musikarekin lehenengo bizipenak izan ditzaten sortua da, haien interesa, emozioa eta entzuteko gaitasuna bultzatzeko.

Gazteentzako III. nanoipuinen lehiaketa

2017/05/23 23:00

Gasteiz |LEHIAKETA

Udalaren liburutegi sareak antolatutako ekintzen artean Gazteentzako III. nanoipuinen lehiaketa dago. Nanoipuinek 'irakurri' aditza izan beharko dute. Horren adizki guztiak onartuko dira: irakurri, irakurriko, irakurtzen, irakurrita… Nanoipuinek gehienez ere 150 karaktere izango dituzte, izenburua (aukerakoa) eta hitzen arteko zuriuneak sartuta. Karaktere kopurua gaindituz gero, automatikoki lehiaketatik kanpo geldituko dira. Nanoipuinek originalak eta argitaragabeak izan beharko dute, eta istorio bat kontatu edo iradoki beharko dute. Parte hartzaileak Gasteizen bizi, ikasi edo lan egiten duten 12 urtetik 30era bitarteko gazteak izan behar dira. Egile bakoitzak gehienez bi ipuin aurkeztu ahalko ditu. Bi ipuin baino gehiago aurkeztuz gero, bakarrik azken biak hartuko dira kontuan.

  • Izen emate epea: Apirilaren 23tik maiatzaren 23ra.

[BISITA GIDATUA] Artea eta (artearen) sistema

2017/05/24 18:30

Artium museoa | Gasteiz |BISITA GIDATUA

Erakusketen bisita gidatuak dira arte garaikidea barneratzeko modurik onena.

Egitasmo hau Artiumen eta Gasteizko Jesus Guridi eta Bilboko Juan Crisostomo
de Arriaga kontserbatorioetako Musika Garaikideko ensembleen eta UPV-EHUko Arte Garaikide Teknologiko eta Performatiboen Masterreko ikasleen arteko lankidetza proiektu bat da.

'Artea eta (artearen) sistema' Artium Bilduman erakusketa sorkuntza performatiborako esparru bihurtu eta soinuaren ikerketa- eta sorkuntza-talde horiek prozesu sortzaile bat garatuko dute bertan, testuak, ahotsa, musika idatzia, musika-tresna akustikoak eta zuzenean tratatu eta aldatutako soinu elektronikoak erabiliz. 

[ANTZERKIA-POETAK MAIATZEAN] Autobiographikal

2017/05/24 19:30

Oihaneder Euskararen Etxea | Gasteiz |ANTZERKIA

Poetak Maiatzean 2017 jaialdiaren barruan euskarazko lau ekitaldi hartuko ditu Oihanederrek. Autobiographikal ikuskizuna izango da azkena.Bi lagunen artean sortutako poesia-antzerkitua, antzerki-poesiatua da  Autobiographikal. Bi lagun horiek Eider Perez eta  Ane Zubeldia dira.

[IRAKURLE KLUBA] Mari Luz Esteban 'Amaren heriotzak libreago egin ninduen'

2017/05/25 19:30

Ignacio Aldecoa Kultura Etxea | Gasteiz |IRAKURLE KLUBA

Irakurketaren jolas hori dugu helburu Gasteizko Irakurle Klubean, eta, izan ere, Amos Ozek aipatzen duen hori baino ez dugu egiten: liburuak irakurri, liburuez hitz egin. Ez zaizkigu sobera interesatzen literatur lanen azterketa erudituak, irakurleon esperientzia zuzena elkarrekin konpartitzea baizik. Hilean behin biltzen gara, beti ere euskaraz idatzitako edo euskarara itzulitako liburuen inguruan. Hemen duzu, beraz, 2016/2017 ikasturterako proposatzen dizugun irakurketen egitaraua. Gonbidatuta zaude.

[KONTZERTUA] Josu Bergara

2017/05/25 19:30

Oihaneder Euskararen Etxea | Gasteiz |KONTZERTUA

Josu Bergara da maiatzeko Eskilarapeko soinuak formatu txikiko musika kontzertuen zikloko protagonista.

Kanta Txikien Indarra (Taupaka elkartea, 2015) da abeslari eatarraren lan berria. Ekainaren amaieran grabatu zuen zuzenean, zortzi musikariz osatutako bandarekin. Azpimarratzekoa da Nerea Alberdi biolinista eta Mikel Nuñez Lauzirika piano-joleak egindako lana. Dani Gonzalezek (baxua), Txema Aranak (bateria) eta Natalia Wangek, Ariadna Villatek eta Claudia Díezek -biolina, biola eta txeloa hurrenez hurren- osatu zuten zuzeneko grabazioaren musikari banda.

[IKUSKIZUNA] Euskal musikaren benetako istorioa

2017/05/25 20:30

Principal antzokia | Gasteiz

Euskal musikaren imajinario kolektiboan murgilduko gaituen ikuskizuna.

'Ez dok Hiru'-ren proposamen teatral berria duzue hau. Publiko helduari zuzendutakoa, umorezkoa, euskaraz. Patxo Telleriak testuak sortzeko eta Mikel Martinezek, eta Telleriak berak, zuzenean antzezteko duten estilo paregabearekin.

Prezioa:15 € 

[BISITA GIDATUA] Elkarrizketak eta desobeditzeak

2017/05/28 12:30

Artium museoa | Gasteiz |BISITA GIDATUA

Erakusketen bisita gidatuak dira arte garaikidea barneratzeko modurik onena.

Artium museoak Liliana Porter artista argentinarraren atzera begirako erakusketa antolatu du. Izan ere, Estrella de Diego komisarioak Elkarrizketa eta desobedientziak erakusketa antolatu du, eta bertan 1969 eta 2016 bitarteko ehun bat artelan biltzen ditu, bilduma publiko zein pribatuetakoak; tartean, bideoak, instalazioak, argazkiak, marrazkiak eta margolanak.  

[GEUrekin mendira] Umión

2017/06/11 08:30

Mendizorrotza | Gasteiz |MENDI IRTEERA

GEUrekin mendira taldeko lagunek denboraldiari amaiera emateko Umión (Burgos) mendira irteera antolatu dute.

  • Gasteiztik irteera: goizeko 08:30tan, Mendizorrotzako aparlekutik (Beti Jai frontoien aurrean)
  • Abiapuntua: Cubillas
  • Iraupena: 3 ordu (egun osoa)
  • Altuera: 1436 m  // Luzera: 9,5 km
  • Arduraduna: Xabi (629487540)

[IRAKURLE KLUBA] Juanjo Olasagarre 'Poz aldrebesa'

2017/06/29 19:30

Ignacio Aldecoa Kultura Etxea | Gasteiz |IRAKURLE KLUBA

Irakurketaren jolas hori dugu helburu Gasteizko Irakurle Klubean, eta, izan ere, Amos Ozek aipatzen duen hori baino ez dugu egiten: liburuak irakurri, liburuez hitz egin. Ez zaizkigu sobera interesatzen literatur lanen azterketa erudituak, irakurleon esperientzia zuzena elkarrekin konpartitzea baizik. Hilean behin biltzen gara, beti ere euskaraz idatzitako edo euskarara itzulitako liburuen inguruan. Hemen duzu, beraz, 2016/2017 ikasturterako proposatzen dizugun irakurketen egitaraua. Gonbidatuta zaude.

[LAUTADAKO OXIGENOA EUSKARARI] Ernio

2017/09/17 08:00

Lautada |MENDI IRTEERA

Arabako Lautadako Oxigenoa Euskarari egitasmoa 12 eta 18 urte bitarteko nerabe eta gazteentzat zuzendua dago. Irailaren 17an Ernio mendira egingo da irteera eta bertan mitologia landuko da.

[LAUTADAKO OXIGENOA EUSKARARI] Toloño

2017/11/19 08:00

Lautada |MENDI IRTEERA

Arabako Lautadako Oxigenoa Euskarari egitasmoa 12 eta 18 urte bitarteko nerabe eta gazteentzat zuzendua dago. Azaroaren 19an Toloño mendira egingo da irteera eta bertan elikadura landuko da.

[LAUTADAKO OXIGENOA EUSKARARI] Aratz

2017/12/17 08:00

Lautada |MENDI IRTEERA

Arabako Lautadako Oxigenoa Euskarari egitasmoa 12 eta 18 urte bitarteko nerabe eta gazteentzat zuzendua dago. Abenduarem 17an Aratz mendira egingo da irteera.

[HERRI URRATS] Autobusa Laudiotik; txartelak erosteko epea

2017/05/02

Laudiko udaletxea Aiaraldea Laudio |JAIA

Maiatzaren 14an Senperen ospatuko den Herri Urrats Ipar Euskal Herriko ikastolen aldeko jaira joateko autobusak antolatu ditu Laudioko udaleko Euskara Arloak. 

Irteera: 09:15ean (Laudio institutuko bus geltokitik)

Itzulera: 18:30ean (Senperetik)

Bidaia txartelak erosteko

Lekua: udaletxean, Euskara Arloan, maiatzaren 2tik 4ra, biak barne, bulego ordutegian.

Prezioa: 10 euro.

[BARNETEGI TXIKIA] Tertanga

2017/05/06

Gasteiz |FAMILIA IRTEERA

Barnetegi txikiaren helburu nagusia familian euskaraz gozatzea da. Modu horretan erakutsiko dugu euskarak gurasoen eta haurren artean komunikatzeko balio duela, tresna baliagarria dela eta ez dela soilik eskolarekin lotutako hizkuntza bat.

[LAUDIOKO OXIGENOA EUSKARARI] Txangoa Gorobelera

2017/05/13

Gorobel Aiaraldea Laudio |MENDI IRTEERA

Maiatzaren 13an eta 14an asteburu osoko txangoa egingo dute Laudioko gazteek, Oxigenoa euskarari kanpainaren barruanTxangoan Gorobelgo hainbat bazter liluragarri ezagutuko dituzte, eta Ponatako aterpean pasako dute gaua.

Irteera: 8:00etan izango da Laudio institutuaren aurrean. Laudioko Udalak herriko DBHko ikastetxeekin antolatutako ekintza da hau, Mendiak eta Herriak elkarteak kudeatua.

[ERAKUSKETA] 'Ikimiliklik'

2017/05/26

Oihaneder Euskararen Etxea | Gasteiz |ERAKUSKETA

kimilikiliklik · JA Artzeren unibertsoa  bideo-instalazioa ikusgai egongo da maiatzaren 26tik uztailaren 2ra Oihaneder Euskararen Etxeko ur biltegian. Ikimilikiliklik · JA Artzeren unibertsoa ikus-entzunezko sorkuntza bat da,  azken hamarkadetako euskal sortzaile original eta garrantzitsuenetako bat ezagutzeko helburuz sortutako erakusketa. Ikusleek irudi, musika eta soinu mundu batean murgilduta, haren obra ezagutzeko aukera izango dute.

Joxe Antonio Artze Agirre -Joxan Artze- (Usurbil, 1939) idazle eta musikariak 40 urte baino gehiagotan garatutako lan poetikoan zehar egindako bidaia da  Ikimilikiliklik  bideo-instalazioa.

JA Artze oso ezaguna da herritarren artean Mikel Laboaren abesti ikonikoen letren egilea izateagatik, esaterako,  Txoria txori, Gure Bazterrak edo  Zaude lasai; baita bere anaia Jexuxekin txalapartari gisa aritzeagatik ere. Baina Artzek obra sakona eta gutxi ezagutzen dena ezkutatzen du, artearen hainbat esparrutan garatu duena: poema-liburuak, audio-grabazioak eta ikuskizun eszenikoak. Horien isla izan nahi du bideo-instalazio honek.

[LAUTADAKO OXIGENOA EUSKARARI] Eginoko aterpea

2017/10/28

Lautada |MENDI IRTEERA

Arabako Lautadako Oxigenoa Euskarari egitasmoa 12 eta 18 urte bitarteko nerabe eta gazteentzat zuzendua dago. Urriaren 28tik 29ra Eginora irteera egingo da eta bertan eskalada landuko da.