Astelehenean zendu den Jose Antonio Ardanza lehendakariaren omenezko hil kapera Ajuriaenean jarri dute gaur goizean. Jauregiko Euskadi izeneko aretoan paratu dute hilkutxa. Aretoa 14:00ak arte utzi dute irekita, arratsaldean azken agurra Elorrion eman arte.
Besteak beste, Iñigo Urkullu egungo lehendakariak, haren emazte Lucia Arieta-Araunabeñak, eta Ardanzaren seniderik gertukoenek egin diote harrera, Jaurlaritzak ohar batean zabaldu duenez.
